Баулыда балалар һәм аларның әти-әниләре өчен бәйрәм оештырылды

2021 елның 4 мае, сишәмбе

Федераль партия проекты кысаларында "Карлыгач" лагере базасында физик мөмкинлекләре чикләнгән балалар һәм аларның әти-әниләре өчен "Пасхаль шатлык" дигән чара узды.

Бәйрәмгә үз гаиләсе белән Серафим Саровский храмы настоятеле Владислав Паняев килде. Ул Пасха бәйрәме турында, аның гореф-гадәтләре һәм традицияләре турында сөйләде.

Балалар өчен шәһәр укучылар Советы волонтерлары  "БлагоДарение" хәйрия фонды ярдәмендә күңелле уеннар һәм викториналар әзерләде.

Чара куличлар белән чәй эчү белән тәмамланды.