«Татарстан ритмы» форумы

Татарстан Республикасы икътисад Министрлыгы, 2024 елның 20 маеннан 22 маена кадәр Яшел Үзән районы, Айша авыл җирлеге, «МИРАС-Наследие» балаларны сәламәтләндерү лагерендә узачак «Татарстан ритмы» социаль үзгәрешләр лидерларының региональ инклюзив форумын үткәрү турында хәбәр итә. Форумга төбәкне һәм илне социаль проектлар аша үстерүгә омтылучы эшмәкәрләр җыелачак.

Чара Россия Федерациясе Хөкүмәте, Президент грантлары Фонды, Татарстан Республикасы Хөкүмәте, Казан шәһәре Мэриясе ярдәме белән оештырылачак. Форумның федераль координаторы — «Ковчег» Түбән Новгород инвалидлар региональ иҗтимагый оешмасы, ә төбәк координаторы - «Татарстан Республикасы эшмәкәрлеккә ярдәм фонды» коммерцияле булмаган микрокредит компаниясе (алга таба – Фонд).

Катнашу өчен территорияритма.рф/tatarstan сайтында 2024 елның 10 маена кадәр гариза бирергә кирәк.

Элемтә өчен: Газетдинова Гүзәл Наил кызы - Фондның социаль өлкә инновацияләр үзәгенең әйдәп баручы белгече, телефон: 8(843) 222-90-60 (доб.118).