“Иволга” балалар сәламәтләндерү лагере-нең беренче сменасында 7-15 яшьлек 139 бала ял итә.
Икенче ел рәттән балаларны лагерь гына түгел, ә шул ук исемдәге санаторий-профилакторий да кабул итә. Анда балалар ял иткән арада дәвалау процедуралары да ала.
“Иволга”да “Нефтьчеләрнең балалар лагерьларында ял итүче балаларны ат спортына җәлеп итү” проекты тормышка ашырыла. Быел лагерь территориясендәге кечкенә ат абзарында “Запоздалая” һәм “Кексик” кушаматлы понилар яши. Балаларга алар белән аралашырга ат спорты тренеры ярдәм итә.